ಈಸಿ ಭವದಿ ಜಯಿಸಬೇಕು

ಈಸಿ ಭವದಿ ಜಯಿಸಬೇಕು
ರಚನೆ: ರಾಮಕೃಷ್ಣ ಬೆಳ್ಳೂರು

ಪುಟ್ಟ ಹೆಜ್ಜೆಯಾದರೂ
ದಿಟ್ಟ ಹೆಜ್ಜೆಯಾಗಲಿ
ಗುರಿಯ ಮುಟ್ಟೊ ತನಕ ನಿಮ್ಮ
ಮನಸು ಅಚಲವಾಗಲಿ

ಬೇಡದ ಬೋಧನೆ ಮಾಡುವರು
ವೇದನೆ ನೀಡುತ ಬಾಳುವರು
ಶೋಧನೆ ಮಂತ್ರವ ಜಪಿಸುತ ನೀವು
ಸಾಧನೆ ಮಾರ್ಗದಿ ಚಲಿಸಿರಿ ನೀವು

ಏಳು ಬೀಳುಗಳು ನೂರೆಂಟು
ಬಿದ್ದವ ಖಂಡಿತ ಏಳುವುದುಂಟು
ಕಷ್ಟಪಟ್ಟು ಕೈ ಚಾಚಿದರೆ
ಸಿಗುವುದು ನಿಮಗೆ ಗೆಲುವಿನ ಗಂಟು

ಗುರಿಯ ತಲುಪಲು ಗುರುವು ಬೇಕು
ದೈವಕೃಪೆಯು ಲಭಿಸಬೇಕು
ಮನಸು ಪಕ್ವಗೊಳಿಸಬೇಕು
ಈಸಿ ಭವದಿ ಜಯಿಸಬೇಕು