mask
ಮೊದಲೆಲ್ಲ ಮುಖವಾಡ ಧರಿಸಿದವರಿಗೆ
ಎಂದೂ ಬೆಲೆ ಇರಲಿಲ್ಲ
ಇನ್ನು ಮೇಲೆ ಮುಖವಾಡ ಧರಿಸದಿದ್ದರೆ
ಎಂದಿಗೂ ಬೆಲೆ ಇರುವುದಿಲ್ಲ
***
social distancing
ಎಲ್ಲರಿಗೂ ಗ್ಯಾರಂಟಿ
6 ಅಡಿ 3 ಅಡಿ ಸತ್ತ ನಂತರ
ಬದುಕಿದ್ದಾಗ maintain ಮಾಡಿ
ಸಧ್ಯ 6 ಅಡಿ 3 ಅಡಿ ಅಂತರ
***
sanitiser
ನಡವಳಿಕೆಯಲ್ಲಿ sanity ಭೂಷಣ
PPEಕಿಟ್-ನಲ್ಲಿ ಸ್ಯಾನಿಟೈಸರ್ ಭೂಷಣ
***
temperature
ಒಳ್ಳೆಯದು ಮನುಷ್ಯನಿಗೆ
ಇದ್ದರೆ ಹೆಚ್ಚು ಸಹಿಷ್ಣುತೆ
ಆದರೆ ಹೋಗಿ ಡಾಕ್ಟರ್ ಬಳಿ
ಇದ್ದರೆ ದೇಹದಲ್ಲಿ ಹೆಚ್ಚು ಉಷ್ಣತೆ
***
wash your hands
ಇಷ್ಟು ದಿವಸ ಯಾರಾದ್ರೂ ಕೆಲಸ ಹೇಳಿದ್ರೆ
ಕೈ ತೊಳ್ಕೋತಿದ್ವಿ
ಆದ್ರೆ ಈಗ ಕೈ ತೊಳ್ಕೊಂಡ್ರೆನೇ
ಕೆಲಸ ಮಾಡಕ್ಕೆ ಆಗೋದು
***
don’t touch your face
ಹೊರಗೆ ಹೋದಾಗ
ಯಾರದ್ದೋ ಮಗು ಮುದ್ದಾಗಿದೆ ಅಂತ
ಅದರ ಕೆನ್ನೆ ಹಿಂಡಬೇಡಿ
ನಿಮ್ಮ ಮೂಗು ಕೆನ್ನೆ ಮುಟ್ಟಕ್ಕೇ ನಿಮಗೆ
permission ಇಲ್ಲ