ಯೋಗವಿದ್

[Click on the image to enlarge]

ಯೋಗವಿದ್
ರಚನೆ: ರಾಮಕೃಷ್ಣ ಬೆಳ್ಳೂರು

ಯೋಗಪತಿಯು ಯೋಗನಾಥನು ಯೋಗಮೂರ್ತಿಧರನು
ಯೋಗಸ್ಥನೂ ಯೋಗಾಚಾರ್ಯನು ಆದ ಯೋಗಪುರುಷನು
ಯೋಗನಿದ್ರೆಯಲ್ಲಿ ಯೋಗಬಲದಿ ಯೋಗದರ್ಶನ ಪಡೆದು
ಯೋಗಶಾಸ್ತ್ರ; ಯೋಗಸಾರ; ಯೋಗಾಸನ; ಯೋಗಫಲಗಳನ್ನಡಗಿಸಿ
ಯೋಗಸಮಾಧಿಯಲ್ಲಿದ್ದ ಯೋಗಾತ್ಮರಾದ ವಸಿಷ್ಠರೊಡನೆ
ಯೋಗೀಶ್ವರನು ನಡೆಸಿದ ಸಂವಾದವೇ ಯೋಗವಾಸಿಷ್ಠವೆಂಬುದನ್ನು
ಯೋಗಾಭ್ಯಾಸಕ್ಕೆ ಯೋಗಾಭ್ಯಾಸಿಗೆ ಅವಶ್ಯವಾದ
ಯೋಗವಾಹಿಯೆಂಬ ಯೋಗಶಿಕ್ಷೆಯಲ್ಲಿರುವ
ಯೋಗವಿದ್ಯೆಯ ಯೋಗಾಂಗದ ಯೋಗಾಮೃತವನ್ನರಿಯಲು
ಯೋಗಪಥದಲ್ಲಿರುವ ಯೋಗಾನುಶಾಸನ ಪಡೆಯಲು
ಯೋಗಯುಕ್ತನಾದ ಯೋಗಯುಕ್ತಿಯು, ಯೋಗಧರ್ಮಿಯು
ಯೋಗಾಂಜನವ ಲೇಪಿಸಿಕೊಂಡು ಯೋಗಜನಾಗಿ
ಯೋಗರಥದಲ್ಲಿ ಏರಿ ಯೋಗವಾಹಿನಿಯ
ಯೋಗವಾಣಿಯ ಆಣತಿಯಂತೆ
ಯೋಗಾನಂದದಿ ಯೋಗತತ್ವೋಪನಿಷತ್ತಿನಲ್ಲಡಗಿರುವ
ಯೋಗಸೂತ್ರ, ಹಠಯೋಗ ಮತ್ತು ಕುಂಡಲಿನಿ ಯೋಗಗಳ
ಯೋಗತ್ವ ಪಡೆಯುವುದೇ ಸುಯೋಗವೆಂದರಿತು
ಯೋಗಪಾರಂಗತನಾದ ಯೋಗಸ್ವಾಮಿಯ ಸಹಯೋಗದಿಂದ
ಯೋಗೈಶ್ವರ್ಯ ಪ್ರಸಾದ ಪಡೆದು ಯೋಗಸೇವಾನಿರತನಾಗಿ
ಯೋಗದ ಯೋಗ್ಯತೆಯಿರುವ ಯೋಗ್ಯರ ಯೋಗಕ್ಷೇಮ ವಹಿಸಿ
ಯೋಗಸಂಸಿದ್ಧಿಯತ್ತ ನೀಡುತ್ತಿದ್ದಾನೆ ತನ್ನ ಯೋಗದಾನ

Also read: ಯೋಗ